Açiq mənbələrdən foto.
Zamin Salayev komaya düşüb və müalicə müəssisəsinə yerləşdirilib, amma aclığı dayandırmır
Bakı/15.05.23/Turan: Azərbaycan Xalq Cəbhəsi Partiyası Salyan rayon şöbəsinin sədri Zamin Salayev komaya düşəndən sonra Penitensiar Xidmətin istintaq təcridxanasından Ədliyyə Nazirliyinin müalicə müəssisəsinə köçürülüb.
O 98 gündür aclıq edir, müalicə müəssisəsinə yerləşdirilməsilə vəziyyəti yaxşılaşıb. Bu barədə Turan-a onun xanımı Səidə Salayeva Zamin Salayevlə telefon danışığından sonra bildirib.
“Zaminin səsi çox zəifdir. Təzyiqi 60/40-a düşüb. Böyrəkləri çox ağrıyır, ayaq üstə dura bilmir, başı gicəllənir. Bədəninin hər yerində ağrı var”, - o deyib.
O, həkim nəzarəti altındadır, sistem köçürülür. Xanımının xahişinə baxmayaraq, Zamin Salayev aclığı davam etdirəcək.
Mayın 11-də Bakının Qaradağ Rayon Məhkəməsində hakim Rufan Mürsəlovun sədrliyilə Zamin Salayevin cinayət işi üzrə məhkəmə prosesi başlayıb.
Zamin Salayev fevralın 7-də saxlanılıb. Ertəsi gün Bakının Qaradağ Rayon Məhkəməsi onu həbs edib. Ona qarşı Cinayət Məcəlləsinin 221.3-cü maddəsi (xuliqanlıq - silahdan və ya silah qismində istifadə olunan əşyalardan istifadə edilməklə zərərçəkmiş şəxsə zor tətbiq olunması) ilə cinayət işi açılıb. İttiham sübut olunsa, Salayevi 5 ilədək həbs cəzası gözləyir.
Salayev öz həbsini sifariş hesab edir və məhkəmənin qərarına etiraz olaraq 98 gündür aclıq edir.
ABŞ-ın Bakıdakı səfirlyi hakimiyyəti Salayevi azad etməyə çağırıb.
"ABŞ Azərbaycan hakimiyyətini öz insan hüquqlarını və əsas azadlıqlarını həyata keçirdiklərinə görə ədalətsiz və ya özbaşına həbs edilmiş bütün şəxsləri azad etməyə çağırır", - ötən həftə səfirliyin nümayəndəsi deyib. 03
Cəmiyyət
-
Aprelin 25-də Bakıda və Abşeron yarımadasında yağmursuz, günəşli hava şəraiti davam edəcək. Mülayim cənub küləyi əsəcək. Havanın temperaturu gündüz 23-28 dərəcə təşkil edəcək.
-
Aprelin 24-də Bakıda və Abşeronda yağıntı gözlənilmir. Mülayim şimal-qərb küləyi əsəcək, gündüz cənub-şərq küləyinə keçəcək. Gündüz havanın temperaturu müsbət 29 dərəcəyə yüksələcək.
-
Avropa Şurası Parlament Assambleyasının (AŞPA) Azərbaycan üzrə həmməruzəçisi, norveçli deputat Liz Kristoffersen Azərbaycanın bu quruma qayıtması üçün Nazirlər Komitəsində danışıqlar getdiyini bildirib. "Biz Azərbaycanı Assambleyada görmək istəyirik. Bunun üçün Azərbaycan hakimiyyəti müəyyən güzəştlərə getməlidir və bir sıra tələbləri yerinə yetirməlidir", - Kristoffersen deyib.
-
Narkomaniyaya qarşı yönəlmiş sosial kampaniya gəncləri zərərli vərdişlərdən çəkindirmək, sağlam həyat tərzi və idmana təşviq etmək məqsədi daşıyır “Azercell Telekom” MMC Azərbaycan Cüdo Federasiyası ilə əməkdaşlıqda həyata keçirdiyi genişmiqyaslı silsilə layihənin növbəti mərhələsini elan edir. "Doğru yol budur" sosial kampaniyası yeniyetmə və gəncləri zərərli vərdişlərdən çəkindirmək məqsədi daşıyır. Layihə cəmiyyətimizdə xüsusilə gənclər arasında narkomaniyanın fəsadlarına diqqət çəkməklə yanaşı, sağlam həyat tərzinin təbliğatına və idmana olan marağın artırılmasına yönəlib.
Rəy yaz