Photo TURAN.
Həbsdə olan ilahiyyatçının qohumları etiraz aksiyası keçiriblər
Bakı/23.05.23/Turan: Bu gün "Mizan Maarif Mərkəzi" İctimai Birliyinin rəhbəri, həbsdə olan ilahiyyatçı Ruhulla Novruzzadənin yaxınları Azərbaycan Prezident Administrasiyasının yanında etiraz aksiyası keçiriblər.
Novruzzadə 2023-cü il yanvarın sonunda həbs edilib. Bacısının sözlərinə görə, onu Suraxanı Rayon Polis İdarəsinə çağırıblar. "Qarşısına narkotik maddə qoyublar və ondan tapıldığını etiraf etməsini tələb ediblər”, - bacı deyib.
İlahiyyatçıya qarşı Azərbaycan Cinayət Məcəlləsinin 234.1-ci (satış məqsədi olmadan narkotik maddələrin qanunsuz saxlanması) və 234.4.3-cü (satış məqsədilə külli miqdarda narkotik maddənin qanunsuz dövriyyəsi) maddələrilə ittiham irəli sürülüb.
Doğmaları bu ittihamları uydurma hesab edirlər. Onların sözlərinə görə, Novruzzadə İranın Qum şəhərindəki universitetdə təhsil alıb. Ancaq təhsilini başa vurmayıb, çünki Bakıya gələndən sonra onu geri buraxmayıblar.
Yaxınları qeyd edirlər ki, Novruzzadə dindarların kütləvi həbs kampaniyası zamanı həbs edilib. Hakimiyyətyönlü KİV-lərdə bu, "İran casuslarının ifşası" kimi təqdim olunur.
Qohumları deyirlər ki, o, sadəcə, İranda təhsil alıb və fars dilindən kitablar tərcümə edib.
Son aylarda Azərbaycanda "İranın agentləri" kimi təqdim olunan 100-dən çox adam həbs edilib, baxmayaraq ki, onların əksəriyyətinə qarşı narkotik maddə ilə bağlı ittiham irəli sürülüb. 030B06
Cəmiyyət
-
Ölkənin lider telekommunikasiya şirkəti 5 tələbəyə təcrübə keçmək imkanı təqdim edəcək Azercell böyük məmnuniyyətlə ADA Universitetinin Karyera Hazırlığı Həftəsində iştirak edir. Tədbir tələbə və şirkətləri bir araya gətirərək, gənclərin karyera və bacarıqlarının inkişafına təkan verən platforma rolunda çıxış edir. Karyera Hazırlığı Həftəsi tələbələrə peşəkarlar ilə birbaşa ünsiyyətdə olmaq və müxtəlif sektorlar haqqında məlumatlanmaq üçün əvəzsiz imkanlar təqdim edir. Azercell-in bu təşəbbüsdə iştirakı şirkətin istedadları inkişaf etdirmək və gələcək mütəxəssislərin yetişdirilməsinə töhfə vermək öhdəliyini əks etdirir.
-
2024-cü ilin ilin əvvəlindən ölkə əhalisinin sayı 6769 nəfər və ya 0,1 faiz artaraq 10187539 nəfərə çatıb. Bu barədə Statistika Komitəsinin yaydığı məlumatda deyilir.
-
Ekologiya Nazirliyinin Milli Hidrometeorologiya Departamentinin proqnozuna görə, cümə günü, aprelin 19-da Bakıda və Abşeron yarımadasında hava şəraiti dəyişkən buludlu, yağmursuz olacaq. Mülayim cənub-şərq küləyi əsəcək. Havanın temperaturu gecə 12-16 dərəcə, gündüz 27 dərəcəyə qədər isti olacaq.
-
Rusiya sülhməramlılarının Azərbaycan ərazilərindən çıxmağa başladığı bildirilir. Rusiya prezidentinin mətbuat katibi Dmitri Peskov da bununla bağlı yayılan məlumatı təsdiqləyib. O, "Interfax" agentliyinin sualına "Bəli, bu, həqiqətən də belədir" deyib.
Rəy yaz