Açiq mənbələrdən foto.
ABŞ İlham Əliyevin Qarabağ separatçılarına amnistiyanın mümkünlüyü barədə sözlərini alqışlayır və eskalasiyadan çəkinməyə çağırır
Vaşinqton/31.05.23/Turan: Çərşənbə axşamı ABŞ Dövlət Departamenti bu həftə Kişinyovda Ermənistan və Azərbaycan arasında gözlənilən danışıqlar ərəfəsində bəyanatla çıxış edərək dinc səyləri dəstəkləməyə hazır olduğunu təsdiqləyib, Turan-ın Vaşinqton müxbiri bildirib.
"Biz Ermənistanla Azərbaycan arasında danışıqların davam etdiyini görməkdən məmnunuq", - mətbuat katibi Metyu Millerin bəyanatında deyilir. "Dövlət katibi Blinkenin dediyi kimi, Cənubi Qafqazda sülhə nail olmaq mümkündür", - o qeyd edib.
Dövlət Departamenti xatırladıb ki, bu yaxınlarda sülhə sadiq olduğuna görə baş nazir Paşinyana təşəkkürünü bildirib və "biz amnistiya məsələsinə baxılması ilə bağlı prezident Əliyevin son fikirlərini alqışlayırıq".
"Ermənistan və Azərbaycan liderləri bu həftə Kişinyovda bizim avropalı tərəfdaşlarımızla görüşəcəklər və ümid edirik ki, bu, zorakılıq yolu ilə yox, danışıqlar masası arxasına oturmaqla həmin məsələlərin həlli istiqamətində məhsuldar addım olacaq", -bəyanatda deyilir.
Bəyanat həmçinin eskalasiyadan çəkinməyə çağırır. "Aqressiv ritorika yalnız keçmişin zorakılığını əbədiləşdirə bilər. Konstruktiv dialoq həm ictimai, həm də özəl dialoq kimi sülh, imkanlar və ümid yarada bilər", - Miller deyib.
"Birləşmiş Ştatlar hər iki tərəfin davamlı və layiqli sülh sazişinin bağlanması üzrə səylərini dəstəkləməyə hazırdır", - o vurğulayıb.
Xatırladaq ki, mayın 28-də Laçında İlham Əliyev Qarabağ separatçılarını istefaya getməyə və Azərbaycanın qanunlarını tanımağa çağırıb. Belə olduğu halda onlar amnistiyaya ümid edə bilər, - o deyib.-0-
Siyasət
-
Ötən ilin noyabrından Azərbaycanda müstəqil mətbuatın və vətəndaş cəmiyyətinin sıxışdırılması müşahidə olunur ki, bu da son dərəcə narahat edir və Azərbaycanı illərlə geriyə atır. Bu barədə cümə günü ABŞ-ın Azərbaycandakı səfiri Mark Libbi bir qrup jurnalistə müsahibəsində bildirib.
-
Demokratik Qüvvələrin Milli Şurası mayın 19-da Bakıda siyasi məhbusların azad edilməsi, seçki islahatlarının aparılması, əhalinin sosial vəziyyətinin yaxşılaşdırılması, quru sərhədlərinin açılması tələbilə etiraz aksiyası təyin edib.
-
Bu gün Ali Məhkəmədə Yunis Səfərovun və Gəncə Şəhər İcra Hakimiyyətinin keçmiş başçısı Elmar Vəliyevə və polis əməkdaşlarına sui-qəsd cəhdində ittiham olunan digər şəxslərin kassasiya şikayətlərinə baxılıb.
-
“Anatolian Phoenix - 2024” beynəlxalq axtarış-xilasetmə təlimlərində iştirak edəcək Azərbaycan ordusunun hərbi qulluqçuları və aviasiya vasitələri Türkiyənin Konya şəhərinə gediblər.
Rəy yaz