Açiq mənbələrdən foto.
Keçmiş “Gilan Holding”in ləğv edildiyi elan edilib
Bakı/30.08.23/Turan: Bu ilin may ayına qədər “Gilan Holding” MMC adlanan “Xəzri Solutions” MMC (VÖEN: 1400725191) könüllü ləğv edildiyini elan edib.
Şirkət kreditorlara müraciət edərək (https://vergiler.az/news_print.php?) 60 gün ərzində ona qarşı tələblərini bildirmələrini istəyib.
Xatırladaq ki, iyul ayında “Xəzri Solutions” MMC altı şirkətlə - ("Opsion" MMC (VÖEN: 1802990061), “Divident” MMC (VÖEN: 180299019), "Reform Ko" MMC (VÖEN: 1803044271), “Alqoritm.Az” MMC (VÖEN: 4401042371), “Veksel” MMC (VÖEN: 4401042241) və “Dempinq.Az” MMC (VÖEN: 1802989821) birləşmə yolu ilə yenidən təşkil olunduğunu elan etmişdi.
Bu şirkətlərin hamısının direktoru Mübariz Hüseynovdur.
Qeyd edək ki, “Gilan” şirkətlər qrupu Azərbaycanda hakim Əliyevlər ailəsi ilə fövqəladə hallar naziri Kəmaləddin Heydərovun ortaq biznesidir.
"Gilan Holdinq" MMC (https://www.gilanholding.com/company/about) 2016-cı ilə qədər "Gilan Holdinq maliyyə-sənaye qrupunun əsas şirkəti" MMC adlanırdı.
2022-ci ilin iyul ayında şirkətin nizamnamə kapitalının həcmi 98,5 milyon manatdan 100 manata endirilib. 08B
İqtisadiyyat
-
Azərbaycana idxalda Çin liderlik edir. Dövlət Statistika Komitəsinin (DSK) məlumatına görə, bu ilin yanvar-fevral aylarında Azərbaycanın hüquqi və fiziki şəxsləri 84 ölkəyə məhsul ixrac edib, 134 ölkədən idxal həyata keçiriblər. Xarici ticarət dövriyyəsi 6 milyard 428.2 milyon ABŞ dolları olub. Onun 2 milyard 651 milyon dollarını (31.7 faiz) idxal təşkil edib.
-
Mayın 3-də Azərbaycan və Səudiyyə Ərəbistanı enerji tərəfdaşlığının gücləndirilməsində mühüm addım olan bərpa olunan enerji və iqlim dəyişikliyi təşəbbüsləri üzrə birgə səylərin genişləndirilməsinə yönəlmiş əsas sənədlər imzaladılar.
-
Sosial-İqtisadi Transformasiya İnstitutu (ISET), CASE analitik mərkəzi və İqtisadi Ekspertiza Platforması tərəfindən aparılan son araşdırma nəticəsində məlum olub ki, Azərbaycan Respublikası Dövlət Neft Şirkəti (SOCAR) ötən il Ukraynada vergi ödəyən yanacaqdoldurma məntəqələri siyahısında birinci yerdədir. “tsn.ua” xəbər verir ki, araşdırmaya əsasən, 2023-cü ildə SOCAR üç rübdə yanacaq vergisini, iki rübdə isə əmək haqqı vergisini ödəmək üzrə lider olub.
-
Azərbaycan Respublikası Dövlət Neft Şirkətinin (SOCAR) prezidenti Rövşən Nəcəf mayın 2-də Ukraynanın “Naftoqaz” şirkətinin baş direktoru Aleksey Çernışov ilə görüşüb və neft-qaz sənayesində əməkdaşlığın genişləndirilməsi məsələlərini müzakirə edib. SOCAR-ın bəyanatına görə, müzakirələrdə Azərbaycan qazının Ukraynada saxlanması imkanları müzakirə edilib və daha geniş enerji məsələləri, o cümlədən enerjiyə keçid və karbonsizləşdirmə məsələləri müzakirə olunub.
Rəy yaz